Башҡортостандың «Һөт кухняһы» «Хәләл» сертификатына эйә булды
Башҡортостандың «Һөт кухняһы» яңы өлгөлө «Рәсәй сифат системаһы-Хәләл» сертификатын алды, Рәсәйҙә балалар өсөн һөт ризыҡтары етештереүселәр араһында беҙ алдынғы, тип хәбәр итте республика етәксеһе Радий Хәбиров үҙенең телеграм-каналында.
Радий Хәбиров һүҙҙәренсә, бындай сертификат алыу предприятие тәрән комплекслы аудит үткән тигәнде аңлата. Уны илдәге халыҡ-ара өлгө буйынса аккредитацияланған берҙән-бер ойошма белгестәре үткәргән. «Һөт кухняһы» хеҙмәткәрҙәрен халыҡ-ара стандарт буйынса эш принциптарына өйрәнгән.
«Был сертификат «Һөт кухняһы» продукцияһының юғары сифатлы булыуын, предприятиеға ышанырға мөмкин икәнен раҫлай. Эремсек, йогурт, һөт составында тыйылған буяуҙар һәм өҫтәмәләр юҡ», - тип билдәләне Башҡортостан Башлығы.
Әлеге көндә республикала ете «Һөт кухняһы»ның ете цехы эшләй, улар тотош Башҡортостанды балалар өсөн һөт продукцияһы менән тәьмин итә.
«Юғары планканы тотабыҙ, артабан үҫешәбеҙ», — тип йомғаҡ яһаны Радий Хәбиров.
Бынан алдараҡ Радий Хәбиров Башҡортостанда йәшәүселәрҙең ни өсөн «Һөт кухняһын» һайлауы хаҡында һөйләгәйне.
www.bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.