Башҡортостан һәм Өфө яңылыҡтары
90.99
0
98.78
0
83.96
+0.69
12+ °C
Ясна
Бөтә яңылыҡтар
Йәмғиәт
29 Март , 15:19

Башҡортостанда талпан энцефалитынан прививка яһау кампанияһы башлана

Олег Яровиков / «Башинформ» агентлығы архивы
Фото:Олег Яровиков / «Башинформ» агентлығы архивы

Башҡортостанда талпан энцефалитынан прививка яһау кампанияһы башлана, тип хәбәр итә республиканың Роспотребнадзор идаралығы. Уралда, Себерҙә, Алыҫ Көнсығышта һәм Рәсәйҙең үҙәк төбәктәрендә инфекция сығанаҡтары теркәлә.

«Был бөжәк өлкәндәрҙең һәм балаларҙың һаулығына ифрат ҙур зыян килтереүе ихтимал», - тип иҫкә төшөрҙөләр күҙәтеү ведомствоһында.

Талпан энцефалитын яҡшы иҫкәртеү сараһы - вакцинация. Роспотребнадзор талпан энцефалитына ҡаршы прививка ҡуйҙырырға һәм өс йылға бер тапҡыр ҡабаттан вакцина яһатырға тәҡдим итә. Ашығыс иммунизация схемаһы: вакцина бер ай арауыҡ менән ике тапҡыр яһала. Талпан энцефалиты таралған урынға барыр алдынан 2 аҙна элек прививка эшләтергә кәрәк. Бер йылдан һуң вакцинацияны ҡабатларға. Препараттың киләһе дозаһы өс йылдан һуң индерелә.

Хәтерегеҙгә төшөрәбеҙ, былтыр Башҡортостанда талпан энцефалиты вирусы менән зарарланыу ике тапҡырҙан ашыуға артҡан, тип хәбәр иткәйне «Башинформ».

https://www.bashinform.ru/news/social/2024-03-29/v-bashkirii-nachinaetsya-privivochnaya-kampaniya-ot-kleschevogo-entsefalita-3706853

Автор:Ләйсән Закирова
Читайте нас: