Мәләүез районының Сыртлан ауылы янындағы Ағиҙел йылғаһына аҡҡоштар төшкән, тип хәбәр итә «Башҡортостан» милли паркының телеграм-каналы.
«Көньяҡтан осоп ҡайтып килешләй ялға туҡтағандар. Был һомғол ҡоштар башлыса апрель урталарында ҡайта. Көндәрҙең йылыныуын һиҙгәндәр, күрәһең», — тип билдәләй белгестәр.
«Башинформ» Бөрйән районында Башҡорт дәүләт тәбиғәт ҡурсаулығы инспекторҙарының күктә аҡҡоштар тубын күреүе хаҡында хәбәр иткәйне.