Дүшәмбе, 1 апрелдән, 122-се Өфө — Авдон даими ҡала яны маршруты эшләй башлай, тип хәбәр иттеләр «Башавтотранс» предприятиеһынан.
Автобустар «Көньяҡ» автовокзал менән «Авдон» туҡталышы араһында көн һайын йөрөйәсәк.
Эш көндәрендә автобустар Авдондан — таңғы 6-ла, Өфөнән — 8-се 25 минутта, ялдарҙа иһә ярты сәғәткә һуңыраҡ ҡуҙғала.
Авдон Өфөнән 20 саҡрым алыҫлыҡта урынлашҡан, унда 6 меңгә яҡын кеше йәшәй. Ҡасаба янындараҡ тимер юл станцияһы ла бар.