Баш ҡаланың юбилейы уңайынан «Өфө 450 (Рәсми)» телеграм-каналы булдырылды. Был хаҡта Өфө мэрияһының матбуғат хеҙмәтенән хәбәр иттеләр.
«Ресурста тарихи мәғлүмәт, кешеләр, күренештәр, ваҡиғалар тураһында ҡыҙыҡлы факттар, шулай уҡ яратҡан баш ҡалабыҙ менән бәйле яңылыҡтар баҫыла», — тип белдерҙеләр муниципалитетта.
Бынан тыш, телеграм-каналда юбилей саралары тураһында анонстар буласаҡ, баш ҡаланың 450 йыллығы менән бәйле саралар яҡтыртып барыласаҡ.