Башҡортостанда алдағы көндәргә һауа торошо билдәле булды
Башҡортостан синоптиктары алдағы өс көнгә һауа торошон фаразланы. Башгидромет мәғлүмәттәре буйынса, бөгөн көндөҙ бер аҙ ямғыр яуа. Ел көньяҡ-көнсығыштан талғын, көндөҙ урыны менән көсәйеүсән. Һауа температураһы көндөҙ +5, +10 градус.
Шаршамбы, 27 мартта, Башҡортостанда ямғыр, урыны менән ҡар ҡатыш ямғыр көтөлә. Ел көньяҡ-көнсығыштан талғын, урыны менән көсәйеүсән. Һауа температураһы төндә -1, +4 градус. Көндөҙ +2, +7 градус.
Кесаҙна төндә, 28 мартта, ямғыр, епшек ҡар, ямғыр фаразлана. Көндөҙ бер аҙ епшек ҡар яуа. Айырым райондарҙа боҙлауыҡ, тимер сымдарға һәм ағастарға епшек ҡар һырыуы, юлдарҙа тайғаҡ булыуы ихтимал. Ел көньяҡ-көнсығыштан, төньяҡ-көнсығыштан талғын, көндөҙ урыны менән көсәйеүсән. Һауа температураһы төндә һәм көндөҙ -2, +3 градус.
Башинформ хәбәр иткәнсә, 10 апрелгә йылғаларҙың боҙҙан әрселеүе фаразлана.
www.bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.