Өфө лимонарийында мутлашыуҙың яңы төрө хаҡында иҫкәртәләр. Билдәһеҙҙәр баш ҡала халҡына шылтыратып һәм үҙҙәрен хеҙмәткәрҙәр тип таныштырып, экскурсиялар ойоштороу өсөн паспорт мәғлүмәттәрен һорай икән.
«Беҙҙең хеҙмәткәрҙәр экскурсияға яҙылыу өсөн паспорт мәғлүмәттәрен һорап шылтыратмай! Бындай мәғлүмәтте бер кемгә лә әйтмәгеҙ. Улар - мутлашыусылар», - тип белдерҙеләр лимонарийҙа.
Бынан алдараҡ «Башинформ» мутлашыусыларҙың мессенджерҙарҙа ялған аудиохәбәрҙәр ебәрергә өйрәнеүҙәре хаҡында яҙғайны.