Башҡортостан һәм Өфө яңылыҡтары
90.99
+0.06
98.78
-0.12
83.96
+0.69
4+ °C
Ясна
Бөтә яңылыҡтар
Йәмғиәт
17 Март , 16:57

Рәсәй политологтары йәмғиәте һайлауҙа республиканы юғары баһаланы

Рәсәй политологтары йәмғиәтенең башҡарма директоры, Ломоносов исемендәге Мәскәү дәүләт университеты профессоры Игорь Кузнецов Башҡортостанды Рәсәй президентын һайлауҙа әүҙемлеге буйынса илдең өлгөлө төбәктәренең береһе икәнен әйтте.

«Республика ошо йәһәттән ныҡ айырылып тора, һайлаусылар участкаларға ғаиләһе менән бергәләп бара», — тине эксперт Өфөнөң йәмәғәт матбуғат үҙәгенә тура бәйләнеш ваҡытында.

Кузнецов фекеренсә, 2024 йылғы һайлау кампанияһы дуҫ булмаған илдәр яғынан бығаса күрелмәгән мәғлүмәт баҫымы һәм провокациялар күҙлегенән уникаль булыуын билдәләне.

«Был Рәсәй йәмғиәте өсөн ысын стресс-тест. Халыҡ-ара баҫым, санкциялар һәм махсус хәрби операция үткәреү шарттарында процесс ысын саҡырыуға әүерелде. Әммә Рәсәйҙең уны уңышлы үтәсәгенә шик юҡ. Сөнки был илдең алдағы 6 йылға йүнәлешен билдәләй», — тине ул.
Автор:Иван Вавилов
Читайте нас: