Башҡортостанда халыҡ әүҙем тауыш биргән һайлау участкалары билдәле булды

Башҡортостандың Үҙәк һайлау комиссияһы секретары Марина Долматова республиканың 17 мартта көндөҙгө сәғәт 3-кә ҡарата халыҡ әүҙем тауыш биргән һайлау участкаларын атаны.

Рәсәй президентын һайлауҙа тауыш биреүселәрҙең күпселеге – 96% Илеш районының Бишҡурай ауыл советындағы 2062-се участкала билдәләнгән. Өфөнөң Дим районындағы 113-сө мәктәптә урынлашҡан 24-се участкала һайлаусыларҙың 82% тауыш биргән. Асҡар ауылындағы 767-се участкала – 86%, Надеждин ауылындағы 1022-се участкала – 84%, Ҡырмыҫҡалы районының Шайморат ауылындағы 2316-сы участкала – 86%, Мәсетле районындағы 2629-сы участкала иһә 83%.

Башинформ Башҡортостанда Рәсәй президентын һайлауҙа халыҡтың 78,46% ҡатнашыуын хәбәр иткәйне.

https://www.bashinform.ru/news/social/2024-03-17/nazvany-izbiratelnye-uchastki-v-bashkirii-gde-zafiksirovana-maksimalnaya-yavka-3686392