Башҡортостан һәм Өфө яңылыҡтары
90.99
0
98.78
0
83.96
+0.69
12+ °C
Ясна
Бөтә яңылыҡтар
Йәмғиәт
11 Март , 14:30

Радий Хәбиров махсус хәрби операцияла ҡатнашыусыларҙың туғандарынан мөрәжәғәттәргә яуаптар әҙерләргә ҡушты

Олег Яровиков
Фото:Олег Яровиков

Башҡортостан Башлығы Радий Хәбиров дүшәмбе хөкүмәттең оператив кәңәшмәһендә шаршамбыға тиклем махсус хәрби операцияла ҡатнашыусыларҙың туғандарынан килгән һорауҙарға яуаптар әҙерләргә ҡушты.

«Уҙған аҙнала беҙ Халыҡ-ара ҡатын-ҡыҙҙар көнөн билдәләнек, муниципалитеттарҙа ла уны ойошҡанлы итеп үткәргәндәрҙер тип ышанам. Республика кимәлендә саралар күп булды. Беҙ тантаналы республика ултырышын үткәрҙек, шунан һуң беҙҙең гүзәл зат вәкилдәре менән аралашыу мөмкинлеге булды, улар араһында хәрби хеҙмәткәрҙәрҙең хәләл ефеттәре, әсәләре, һәләк булған яугирҙәрҙең яҡындары бар ине. Һорауҙар бик күп: кемдеңдер һаманғаса түләүҙәре, кемдеңдер документтары юҡ, кемдер шәфҡәтһеҙлеккә зарлана. Мин сәғәт ярым уларҙың һорауҙарына яуап бирҙем, ә шуларҙың күбеһен муниципалитеттар кимәлендә хәл итергә мөмкин.

Шаршамбыға барлыҡ мөрәжәғәттәрҙе тәртипкә килтереүегеҙҙе һорайым. Мин уларҙы ҡарармын да бойороҡҡа ҡул ҡуйырмын», — тине Радий Хәбиров, үҙенең хакимиәте етәксеһе Максим Забелинға мөрәжәғәт итеп.

https://www.bashinform.ru/news/social/2024-03-11/radiy-habirov-poruchil-podgotovit-otvety-na-obrascheniya-ot-rodnyh-uchastnikov-svo-3675686

Авторҙар:Альмира ДавлетбаеваӘлфиә Әһлиуллина
Читайте нас: