Башҡортостан һәм Өфө яңылыҡтары
90.99
0
98.78
0
83.96
+0.69
12+ °C
Ясна
Бөтә яңылыҡтар
Йәмғиәт
7 Март , 17:23

Башҡортостандан рота командиры Шайморатов миҙалы менән бүләкләнде

Октябрьскийҙан махсус операцияла ҡатнашҡан «Ярый» позывнойлы яугир генерал-майор Миңлеғәле Шайморатов исемендәге миҙал менән бүләкләнде. Өлкән лейтенантҡа уны Башҡортостан Башлығы Радий Хәбиров махсус хәрби операция зонаһына барған ваҡытта тапшырҙы, тип хәбәр итә Республикаға идара итеү үҙәге ҡала мэры Алексей Пальчинскийға һылтанма менән.

Билдәле булыуынса, ир-уҙаман ротаға 2022 йылдың октябренән етәкселек итә, үҙен көслө һәм талапсан итеп күрһәтә.

«Ротала һәм батальонда уны бик хөрмәт итәләр. Мин уның холҡондағы ике һыҙат тураһында әйтеп үтергә теләйем. Беренсеһе — ғәҙәттән тыш хәлдәр килеп тыуғанда ул һәр ваҡыт тыныс. Икенсеһе — ул һәр саҡ үҙенең иптәштәрен яҡлай. Күптән түгел «Ярый»ҙың улы тыуҙы. Ул әлегә кескәй генә, әммә тиҙҙән үҫеп етеп, атаһы менән ғорурланасаҡ, сөнки уның атаһы — ысын герой», — тип яҙа Октябрьский хакимиәте етәксеһе.

Бынан алдараҡ махсус операцияла ҡатнашыусыларға Башҡортостандан ҙур гуманитар ылау оҙатылды.

https://www.bashinform.ru/news/svo/2024-03-07/komandir-roty-iz-bashkirii-nagrazhden-medalyu-shaymuratova-3673353

Автор:Иван Вавилов
Читайте нас: