Өфөнөң 450 йыллығын байрам итеү өсөн төп майҙансыҡтар билдәле булды

Өфө мэры Ратмир Мәүлиев Республикаға идара итеү үҙәгенән «Сәләм» тапшырыуының тура эфирында баш ҡаланың 450 йыллығын билдәләү өсөн төп майҙансыҡтарҙы әйтте.

Улар — ҡала советы, «Ватан» этнопаркы һәм Өфө-Арена, ҡунаҡтар ҡатнашлығында рәсми саралар шунда ойошторола. Ратмир Мәүлиев һүҙҙәренсә, Өфөнөң юбилейын 31 августа билдәләргә йыйыналар.

«Байрам уңайынан ҡала халҡы«бүләктәр» ала башланы ла инде. Беҙ яңыртылған Башҡорт дәүләт ҡурсаҡ театрын, Өлфәт Мостафин исемендәге яңы Спорт әҙерлеге үҙәген, майҙаны 6,5 мең квадрат метрлыҡ ябыҡ футбол майҙанын астыҡ. 2023 йылда төҙөкләндереүгә ҡарағанда күберәк юл һалынған, 70 саҡрымдан ашыу тротуар түшәлгән. Күптән көтөлгән Зинин юл үткәргесен астылар. 45 мең тиерлек иҫке яҡтыртҡыс замансаһына алмаштырылды. «Уңайлы ҡала мөхитен булдырыу» төбәк проекты буйынса Аксаков исемендәге баҡса һәм Альбанов скверы төҙөкләндерелде. Нефтехимиктар мәҙәниәт һәм ял паркын Йылы күле янындағы биләмә яңыртылды. Үҙенсәлекле «Өфө муйынсағы» проекты һәм «Йәшел Башҡортостан» экологик акцияһы үҫешенеүен дауам итә», — тип билдәләне ул.

https://www.bashinform.ru/news/social/2024-02-28/nazvany-glavnye-ploschadki-prazdnovaniya-450-letiya-ufy-3660702