Республика халҡына март айындағы байрам көндәре тураһында иҫкә төшөрҙөләр

Март айында Башҡортостан халҡын 11 ял көнө көтә, шул иҫәптән бер байрам — 8 мартта билдәләнгән Халыҡ-ара ҡатын-ҡыҙҙар көнө.

Рәсәй Федерацияһы Хеҙмәт кодексының 112-се статьяһына ярашлы, 8 март байрам көнө булып тора. Был байрам 1975 йылдан алып билдәләнә. 2024 йылда ул йомаға тура килә. Кесаҙна, 7 март, байрам алды көнө булғанлыҡтан, эш көнө бер сәғәткә ҡыҫҡара.

Бынан алдараҡ «Башинформ» 2024 йылда ҡасан отпуск алыу яҡшыраҡ икәне тураһында яҙып сыҡҡайны.

Эш көндәре күберәк булған айҙарҙа отпускыға сығыу отошлораҡ. 2024 йылда аҡса йәһәтенән июлдә (23 эш көнө), августа (22 эш көнө), шулай уҡ октябрҙә (23 эш көнө) отпуск алыу отошлораҡ. Иң файҙаһыҙ айҙар: ғинуар (17 эш көнө) һәм июнь (19 эш көнө). Был отпуск аҡсаһын һәм эш хаҡын иҫәпләү үҙенсәлектәре менән бәйле.

https://www.bashinform.ru/news/social/2024-02-26/zhitelyam-bashkirii-napomnili-o-nerabochem-prazdnichnom-dne-v-marte-3657340