Башҡортостандың почта бүлексәләре Ватанды һаҡлаусылар көнө уңайынан эш графигын үҙгәртә, тип хәбәр иттеләр Федераль почта элемтәһе республика идаралығының матбуғат хеҙмәтенән.
23 февраль — республиканың барлыҡ почта бүлексәләре өсөн ял көнө. 22 февралдә почта бүлексәләренең эш көнө бер сәғәткә ҡыҫҡара.
«23 февралдә почтальондар почта аша ебәрелгән әйберҙәрҙе, шулай уҡ гәзит-журналдарҙы таратмай. Пенсия һәм пособиеларҙы улар Рәсәй Социаль фондының республика бүлексәһе менән килешелгән график буйынса килтерә. 24 февралдә бүлексәләр ғәҙәттәгесә эшләй», — тип белдерҙеләр Федераль почта элемтәһенең Башҡортостан идаралығында.
«Башинформ» агентлығы хәбәр иткәнсә, республика почта бүлексәләре һаны буйынса илдең иң ҙур төбәге булып тора.