«Өфө уттары» программаһының яңы сығарылышы Ришат Миндияров иҫтәлегенә арнала

15 февралдә «Өфө уттары» радиотапшырыуының журналист Ришат Миндияровҡа арналған сығарылышы эфирға сыға. Тапшырыуҙың телеверсияһы «Башҡортостан 24» телеканалында күрһәтелә. Хәтерегеҙгә төшөрәбеҙ, «Башҡортостан» дәүләт телерадиокомпанияһының радиотапшырыуҙар хеҙмәте етәксеһе яңы 2024 йыл алдынан арабыҙҙан китте.

Ул бар ғүмерен журналистикаға бағышланы. «Радио-2» каналын ойоштороусыларҙың береһе, радиола һәм телевидениела алып барыусы булып эшләне. Алып барыусы Айгөл Хисамова тапшырыу геройының улы, шағир һәм журналист Алмас Шаммасов, шулай уҡ билдәле тележурналист Миләүшә Иҙрисова менән әңгәмә ҡорҙо. Телетапшырыу киске 11-се 15 минутта башлана.

https://www.bashinform.ru/news/social/2024-02-14/vypusk-programmy-ogni-ufy-posvyatili-pamyati-rishata-mindiyarova-3644006