Башҡортостан райондарының береһендә 40 градусҡаса һыуытҡан

Ҡыйғы районының Йосоп ауылында бөгөн -40 градусҡа тиклем һыуытҡан. Был хаҡта 15 февралдә Башҡортостан буйынса Ғәҙәттән тыш хәлдәр министрлығының матбуғат хеҙмәтендә хәбәр иттеләр.

Ведомство мәғлүмәттәре буйынса, уҙған тәүлектә Башҡортостанда температура төндә -28, урыны менән -33, төньяҡ-көнсығыш райондарҙа -41 градусҡа тиклем түбәнәйгән. Яңауылда һәм Учалыла -32, Ҡариҙелдә - 35, Белоретта һәм Баҡалыла - 30 градус булған.

Республикала көндәр йылы торғандан һуң йәнә ҡаты һыуыҡтар килде. «Башинформ» алдағы көндәрҙә термометр бағанаһының -37 градусҡа тиклем түбәнәйеүе хаҡында хәбәр иткәйне.

https://www.bashinform.ru/news/social/2024-02-15/v-odnom-iz-rayonov-bashkirii-temperatura-vozduha-opustilas-do-40-gradusov-3644245