Башҡортостан парламенты етәксеһе үҙенең исеменән эш иткән мутлашыусылар хаҡында иҫкәртә

Башҡортостан Дәүләт Йыйылышы рәйесе Константин Толкачев үҙенең исеменән эш иткән мутлашыусылар хаҡында иҫкәртте. Уның һүҙҙәренсә, аферистар уның йәки парламенттың структура бүлексәләре етәкселәре исеменән ялған аккаунттар асып, мессенджерҙарҙа депутаттарға хәбәрҙәр ебәрә. Мәҫәлән, закондар сығарыу йыйылышында ниндәйҙер тикшереү тураһында яҙалар. Федераль хеҙмәт хеҙмәткәре шылтыратһа, уның һорауҙарына яуап бирергә кәрәк, тиҙәр.

Константин Толкачев әйтеүенсә, был уның исеменән ялған хәбәр таратыуҙың тәүге осрағы түгел, ләкин һуңғы көндәрҙә айырыуса әүҙемлек күҙәтелә.

«Был осраҡта иң мөһиме — шәхси контакт. Хәбәр яҙған кеше менән шәхсән һөйләшкәнсе, бер ниндәй ҙә саралар күрергә кәрәкмәй. Ошо ябай ғына ҡағиҙә һеҙҙе етди хаталарҙан һәм аҡсағыҙҙы юғалтыуҙан һаҡлай. Уяу булығыҙ», - тине ул.

«Башинформ» хәбәр иткәнсә, 2023 йылда Өфөлә йәшәүселәр мутлашыусыларға 1,4 миллиард һум аҡса биргән.

https://www.bashinform.ru/news/social/2024-02-13/glava-parlamenta-bashkirii-predupredil-o-moshennikah-deystvuyuschih-ot-ego-imeni-3641641