Радий Хәбиров бөгөн аҙналыҡ оператив кәңәшмәлә Башҡортостандың беренсе президенты Мортаза Рәхимовҡа асылған һәйкәлгә ҡарата үҙ фекерен белдерҙе.
«Һәйкәл яҡшы килеп сыҡты. Был беҙҙең хөрмәт билдәһе. Мин төҙөүселәргә һәм скульптор Салауат Александровичҡа рәхмәтлемен. Алдан һөйләшкәнсә, быйыл һәйкәл ҡуйылған паркты төҙөкләндерә башлайбыҙ. Унда тәртип урынлаштырырға кәрәк», - тип билдәләне Радий Хәбиров хөкүмәттең оператив кәңәшмәһендә.