Бөгөн иртәнге сәғәт 9-ҙан Өфө — Инйәр — Белорет юлында (Архангел һәм Белорет райондары) йөк һәм пассажирҙар транспорты өсөн хәрәкәт сикләнде. Был хаҡта Ғәҙәттән тыш хәлдәр министрлығының Башҡортостан буйынса баш идаралығының матбуғат хеҙмәтенән хәбәр иттеләр.
Сәбәбе — көслө ел, һепертмә буран, ҡар яуыуы.
«Хәрәкәтте сикләү бөгөн урындағы ваҡыт буйынса киске сәғәт 9-ға тиклем ғәмәлдә ҡала», - тип белдерҙеләр Ғәҙәттән тыш хәлдәр министрлығында.
Бынан алдараҡ Башинформ республикабыҙҙа 11 юл участкаһында хәрәкәтте сикләү тураһында хәбәр иткәйне.