Аферистар йәнә Башҡортостандың ғаилә, хеҙмәт һәм халыҡты социаль яҡлау министры Ленара Иванованың ялған аккаунтын булдырып, уның исеменән хәбәрҙәр ебәрә башлаған. Был хаҡта ул 5 февралдә үҙенең телеграм-каналында хәбәр итә.
«Тамам ялҡыттылар ошо ялған аккаунттар. Коллегалар, уяу булығыҙ!», — тип иҫкәртә министр.
2023 йылдың октябрендә билдәһеҙҙәр Иванованың дубляж аккаунтын булдырғайны.
Хәтерегеҙгә төшөрәбеҙ, бынан алдараҡ «Башинформ» муттарҙың республиканың спорт министры исеменән биатлон комплексы директорынан 6 миллион һум аҡса алыуы тураһында яҙғайны.