Башҡортостанда «Айыҡ ауыл» конкурсының приз фонды 48 миллион һумға тиклем арттырылды
2024 йылда «Айыҡ ауыл» конкурсының приз фонды 48 миллион һумға тиклем арттырылды. Был хаҡта хөкүмәттең оператив кәңәшмәһендә Бөтә донъя башҡорттары ҡоролтайы президиумы рәйесе, Рәсәй Дәүләт Думаһы депутаты Эльвира Айытҡолова белдерҙе.
«Конкурстың приз фонды 2024 йылдан 8 миллион 400 мең һумға арта, - тине Эльвира Айытҡолова. - Был бик ҡыуаныслы, сөнки ауылдарҙа төҙөкләндереү буйынса тағы ла күберәк эштәр башҡарылыр, халыҡ үҙ хеҙмәтенең һәм тырышлығының һөҙөмтәләрен күрер».
Шуны әйтергә кәрәк: ауылдарҙа йәшәүселәр конкурста ҙур ҡыҙыҡһыныу менән ҡатнаша. Уҙған йылдың 1 сентябренән 30 ноябренә тиклем дауам иткән муниципаль этапта 1070 ауыл биләмәһе ҡатнашты. Республика этабына 52 ауылдан ғариза килде. Быйыл 18 ғинуарҙа республика ойоштороу комитеты ултырышында ауылдар 4 номинацияға бүленде. Йомғаҡ 25 апрелдә Өфөнөң «Торатау» конгресс-холында яһала.
Башҡортостанда «Айыҡ ауыл» конкурсы ярҙамында социаль әһәмиәтле мәсьәләләр хәл ителә. Эскелек менәнн көрәшеүҙән тыш, конкурс төҙөкләндереү мәсьәләләрен хәл итеүгә йүнәлтелгән. Дүрт йылда конкурста ҡатнашыусылар биләмәһендә 30 яңы балалар һәм спорт майҙансығы, 12 парк һәм йәмәғәт биләмәһе барлыҡҡа килгән, урамдар төҙөкләндерелгән, яңы коммуналь техника һәм хатта һыу һурҙырғыс башняһы бар, тип яҙғайны «Башинформ» агентлығы.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.