Башҡортостанда меңдән аҙыраҡ кеше йәшәгән йәнә дүрт ауыл тиҙлекле мобиль 4G-интернет һәм телефон элемтәһе менән тәьмин ителде, тип хәбәр итә республика хөкүмәте.
Һүҙ Бишбүләк районының Сухоречка, Баймаҡ районының Ҡуянтау, Күгәрсен районының Күгәрсен, Бүздәк районының Кәпәй-Ҡобау ауылдары хаҡында бара. Бында мәғлүмәт тапшырыуҙың уртаса тиҙлеге секундына 60 мегабитҡа тиклем артҡан.
Бынан алдараҡ республикала Яҡтыкүлгә барған юлға 4G-элемтә барып етте.