Ауырғазы районынан махсус хәрби операцияла ҡатнашҡан бер нисә яугир дәүләт наградалары менән бүләкләнгән, тип хәбәр итте Республикаға идара итеү үҙәге муниципалитет хакимиәте башлығы Арыҫлан Шәһәретдиновҡа һылтанма менән.
Һүҙ шәхси батырлығы өсөн Суворов миҙалы тапшырылған «Борода» позывнойлы яҡташыбыҙ, «Һәләк була яҙғандарҙы ҡотҡарған өсөн» миҙалын алған «Петро» позывнойлы герой һәм II дәрәжә «Ҡыйыулыҡ өсөн» миҙалы менән бүләкләнгән «Подкова» позывнойлы яугир тураһында бара.