Башҡортостандың һаулыҡ һаҡлау министры Айрат Рәхмәтуллин эшкә сыҡты

Башҡортостандың һаулыҡ һаҡлау министры Айрат Рәхмәтуллин эшкә сыҡты. Был хаҡта ул социаль селтәрҙә хәбәр итте.

«Яңы йылда беренсе эш көнөмдө табипҡа яҙылыу буйынса эш кәңәшмәһенән башланым. 2024 йылда беҙҙең алда мөһим бурыстар тора. Быйыл Өфөнөң медицина учреждениеларын яңыртыу буйынса күләмле программаны башлайбыҙ, республикала поликлиникалар, фельдшер-акушерлыҡ пункттарын төҙөүҙе дауам итәбеҙ, 4000-дән ашыу берәмек ҡорамал килтереүҙәрен көтәбеҙ.

Һаулыҡ торошона бәйле яңы йылдың тәүге аҙналарында эшкә сыға алманым. 29 декабрҙә ике кешенең ғүмерен өҙгән фажиғәгә тарыным. Ҡыҙғанысҡа ҡаршы, бындай хәлдең һәр кем менән булыуы ихтимал. Мәрхүмдәрҙең ғаиләләренең ауыр ҡайғыһын уртаҡлашам, уларға ярҙам итермен», — тип яҙҙы министр.

Айрат Рәхмәтуллин үҙен дауалаған барлыҡ табиптарға рәхмәт әйтте.

«Уларҙың тырышлығы менән бөгөн мин эшемде дауам итә алам. Үҙегеҙҙе һаҡлағыҙ. Бөтәһенә лә һаулыҡ теләйем», - тигән теләктәрен еткерҙе һаулыҡ һаҡлау министры.

https://www.bashinform.ru/news/social/2024-01-30/glava-minzdrava-bashkirii-ayrat-rahmatullin-vernulsya-na-rabotu-posle-dtp-3622540