Башҡортостан һәм Өфө яңылыҡтары
90.99
0
98.78
0
83.96
+0.69
12+ °C
Ясна
Бөтә яңылыҡтар
Йәмғиәт
22 Ғинуар , 13:34

Республиканың көньяғында медицина кадрҙарын әҙерләй башлайҙар

«Башинформ» мәғлүмәт агентлығы архивы
Фото:«Башинформ» мәғлүмәт агентлығы архивы

Хәйбулла районының Аҡъяр тау колледжы етәкселеге яңы уҡыу йүнәлешен асыу һәм медицина кадрҙары әҙерләү тәҡдиме менән сыҡты. Хөкүмәттең оператив кәңәшмәһендә Башҡортостан Башлығы Радий Хәбиров ошо турала белдерҙе.

«Көслө колледж. Улар уҡытыусылар менән тәьмин итер. Унда медицина учреждениелары бар. Әйҙәгеҙ, унда фельдшерҙар һәм шәфҡәт туташтарын әҙерләү, йәғни медицина бүлексәһен асайыҡ. Нефтекамала һәм Мәсәғүттәге кеүек», - тине Радий Хәбиров.

Республика етәксеһе фекеренсә, был Башҡортостандың көньяғын һәм күрше төбәктәрҙе медицина кадрҙары менән тәьмин итергә мөмкинлек бирергә тейеш.

Тәүге студенттарҙы 2025 йылда ҡабул итеү планлаштырыла. Хәтерегеҙгә төшөрәбеҙ, 2022 йылдың сентябрендә Нефтекамала Бөрө медицина-фармацевтика колледжының филиалы асылды, ә 2023 йылдың февралендә Мәсәғүттә Өфө медицина колледжының филиалы эшләй башланы.

https://www.bashinform.ru/news/social/2024-01-22/na-yuge-bashkirii-budut-gotovit-meditsinskie-kadry-3612249

Автор:Ләйсән Закирова
Читайте нас: