Башҡортостан һәм Өфө яңылыҡтары
90.99
0
98.78
0
83.96
+0.69
12+ °C
Ясна
Бөтә яңылыҡтар
Йәмғиәт
22 Ғинуар , 12:59

Башҡортостанда тағы бер Бөйөк Ватан һуғышы ветераны вафат

Зөһрә Гордиенко/vk.com
Фото:Зөһрә Гордиенко/vk.com

Ҡыйғы районында Бөйөк Ватан һуғышы ветерандары йәнә берәүгә кәмене. 97-се йәшендә Ғәбделәхәт Ғилметдиновтың йөрәге тибеүҙән туҡтаны. Был хаҡта район хакимиәте башлығы Зөһрә Гордиенко хәбәр итте.

Ғәбделәхәт Ғәләлетдин улы 1927 йылда Вәкийәр ауылында тыуған. 1944 йылдың февралендә армияға алынған. Ул айырыуса мөһим объекттарҙы һаҡлаған. Һуғыш ваҡытында емерелгән хужалыҡты тергеҙеүҙә ҡатнашҡан. 1951 йылдың ғинуарында тыуған ауылына ҡайтҡан, Чкалов исемендәге колхозда эшләгән. «1941-1945 йылдарҙа Бөйөк Ватан һуғышында Германияны еңгән өсөн» миҙалы менән бүләкләнгән.

Ветеран менән бәхилләшеү иртәгә, 23 ғинуарҙа, уның тыуған ауылы Вәкийәрҙә була.

«Ғәбделәхәт Ғәләлетдин улының туғандарының һәм яҡындарының ауыр ҡайғыһын уртаҡлашам. Уның яҡты донъянан китеүе – бөтәбеҙ өсөн дә ауыр юғалтыу. Мәңгелек хәтер һәм дан!» - тип яҙҙы Ҡыйғы районы башлығы.

Хәтерегеҙгә төшөрәбеҙ, бынан алдараҡ Әлшәй районында 103 йәшлек ветеран Петр Стрельцовтың баҡыйлыҡҡа күсеүе билдәле булды.

https://www.bashinform.ru/news/social/2024-01-22/v-bashkirii-ne-stalo-esche-odnogo-veterana-velikoy-otechestvennoy-voyny-3612074

Автор:Ләйсән Закирова
Читайте нас: