Башҡортостан һәм Өфө яңылыҡтары
90.99
0
98.78
0
83.96
+0.69
12+ °C
Ясна
Бөтә яңылыҡтар
Йәмғиәт
18 Ғинуар , 14:18

Экстремизмға һәм хәлде ҡаҡшатырға маташыуҙарға түҙеп торорға йыйынмайым – Башҡортостан Башлығы

Олег Яровиков
Фото:Олег Яровиков

Башҡортостан Башлығы Радий Хәбиров Баймаҡта булған хәл-ваҡиғаларға, рөхсәтһеҙ акцияла ҡатнашыусыларҙың күмәк сыуалыштар тыуҙырырға маташыуына үҙ фекерен белдерҙе. Был хаҡта ул социаль селтәрҙә яҙып сыҡты.

«Эшләй башлағандың тәүге көнөнән үк мин экстремизмға һәм хәлде ҡаҡшатырға маташыуҙарға түҙеп торорға йыйынмайым тигәйнем. Башҡортостан Башлығы булараҡ мин республикала милләт-ара татыулыҡты емерергә юл ҡуймаҫҡа тейешмен. Был - минең вәкәләттәрем, бурысым.

Кисәге хәлгә килгәндә. Күреп тораһығыҙ, суд хөкөм сығарҙы. Дүрт йылға дөйөм режимлы колония.

Ошо йылдар эсендә бына нимәләр булды. 2020 йылда «Башҡорт»** ойошмаһын экстремистик тип таныу өсөн эш алып барҙыҡ. Ул ваҡытта был дөрөҫ ҡарар булды тип иҫәпләйем. Ләкин ойошманың ҡайһы бер етәкселәре быны аңламаны һәм йылдар буйына теге йәки был формала яуаплылыҡҡа тарттырылды», - тип билдәләне Радий Хәбиров.

Алсынов * бынан алда ла экстремизм өсөн административ яуаплылыҡҡа тарттырылғайны, тип иҫкә төшөрҙө республика етәксеһе. Росфинмониторинг ҡарары менән ул экстремистик, террористик эшмәкәрлеккә ҡатнашы булғандар реестрына индерелде.

https://www.bashinform.ru/news/social/2024-01-18/ya-ne-budu-terpet-ekstremizm-i-popytki-rasshatyvat-situatsiyu-glava-bashkirii-3608364

Автор:Роман Якимчук
Читайте нас: