«Башҡортостанда оҙон ғүмерлелек» программаһы киңәйтелә

Башҡортостандың ғаилә, хеҙмәт һәм халыҡты социаль яҡлау министры Ленара Иванова хәбәр итеүенсә, 2024 йылдан «Башҡортостанда оҙон ғүмерлелек» программаһы яңы йүнәлештәр менән тулылана.

Ведомство етәксеһе республиканың Дәүләт Йыйылышындағы кәңәшмәлә әйтеүенсә, проектҡа Мәскәү, Санкт-Петербург һәм Ҡаҙағстанға турҙар өҫтәлде.

Хәтерегеҙгә төшөрәбеҙ, «Башҡортостанда оҙон ғүмерлелек» программаһы Радий Хәбировтың тәҡдиме менән башланды. Төп маҡсат - оло быуын вәкилдәренең һаулығын нығытыу, социаль әүҙемлек осорон һәм ғүмер оҙайлығын арттырыу. Хаҡлы ялдағылар Башҡортостан, шулай уҡ Рәсәйҙең башҡа төбәктәре буйлап сәйәхәт итергә мөмкин.

https://www.bashinform.ru/news/social/2024-01-18/programmu-bashkirskoe-dolgoletie-rasshiryat-do-moskvy-peterburga-i-kazahstana-3608750