Өфөлә башҡорт теленән төбәк-ара олимпиада еңеүселәре билдәле булды

Ошо көндәрҙә Өфөнөң Рәми Ғарипов исемендәге 1-се башҡорт республика гимназия-интернатында Башҡорт теле һәм әҙәбиәте буйынса төбәк-ара олимпиадаға йомғаҡ яһалды. Унда Башҡортостандан, Силәбе, Ырымбур, Һамар өлкәләренән, шулай уҡ Татарстан Республикаһынан 9-11-се класс уҡыусылары ҡатнашты.

Олимпиадала 77 уҡыусы призер булды, уларҙың һәр береһенә Башҡортостан Мәғариф һәм фән министрлығының дипломы һәм аҡсалата приз тапшырылды. Бынан тыш, 11 уҡыусы «Аманат» журналының, Өфө фән һәм технологиялар университетының һәм Мифтахетдин Аҡмулла исемендәге Башҡорт дәүләт педагогия университетының, Башҡорт телен һаҡлау һәм үҫтереү фондының махсус приздары менән бүләкләнде.

Төбәк-ара олимпиадала Силәбе, Ырымбур, Һамар өлкәләренән, Татарстандан 19 уҡыусы ҡатнашты. Улар араһынан еңеүселәр ҙә Мәғариф министрлығының дипломдарына, аҡсалата приздарға һәм Бөтә донъя башҡорттары ҡоролтайының иҫтәлекле бүләктәренә эйә булды.

Төбәк-ара олимпиада еңеүселәрен һәм призерҙарын Башҡортостандың мәғариф һәм фән министры урынбаҫары Әлфиә Ғәлиева сәләмләне. Ул Дәүләкән, Бөрйән, Әбйәлил, Баҡалы, Өфө райондарынан, Сибай һәм Өфө ҡалаларынан 15 еңеүсегә ведомство наградаларын тапшырҙы.

Уҡытыу башҡорт телендә алып барылған дөйөм белем биреү ойошмалары уҡыусылары араһында еңеүселәр:

1. Хәбиәхмәтов Сыңғыҙ, 9-сы класс, Дәүләкән ҡалаһының 3-сө башҡорт гимназия-интернаты;
2. Мырҙағолов Илтимер, 10-сы класс, Бөрйән районының Иҫке Собханғол ауылы урта мәктәбе;
3. Ҡаҙаҡбаева Алмира, 11-се класс, Сибай ҡалаһының Р. Өмөтбаев исемендәге башҡорт лицейы.

Уҡытыу рус телендә алып барылған дөйөм белем биреү ойошмалары араһында иң яҡшылар:

      1. Ғәлиуллина Азалия, 9-сы класс, Әбйәлил районы Асҡар ауылының Таһир Күсимов исемендәге гимназияһы;

      2.Дусиева Миләүшә, 10-сы класс, Баҡалы районының Мостафа ауылы урта мәктәбе;

      3.Ҡарабаева Лиана, 11-се класс, 2-се «СМАРТ» республика полилингваль күп профилле гимназияһы.

Башҡортостан Республикаһының дәүләт (башҡорт) телен өйрәнгән уҡыусылар араһында (башланғыс төркөм):

1. Парушкина Милена, 9-сы класс, Өфө районы Дорогино ауылының Советтар Союзы Геройы А.С. Пикунов исемендәге урта мәктәбе;
2. Яценко Есения, 10-сы класс, Сибай ҡалаһының 10-сы урта мәктәбе;
3. Васильев Кирилл, 11-се класс, Өфөнөң В.В. Горбатко исемендәге 64-се гимназияһы.

Дауам итеүсе төркөм

1. Ишдәүләтова Ләйлә, 9-сы класс, Өфөнөң 161-се лицейы;
2. Мөхтәруллин Данир, 10 класс, Баҡалы районы Баҡалы ауылының 1-се урта мәктәбе;
3. Мәмбәтова Наҙгөл, 11-се класс, Айырым фәндәрҙе тәрән өйрәнеү буйынса 114-се белем биреү үҙәге, Өфө.

 https://www.bashinform.ru/news/social/2024-01-09/v-ufe-stali-izvestny-pobediteli-mezhregionalnoy-olimpiady-po-bashkirskomu-yazyku-3596242