Башҡортостанда 2024 йылдың башында нисә сабый тыуғаны билдәле булды

2024 йылдың тәүге 8 көнөндә Башҡортостанда 575 бала донъяға килгән, тип хәбәр итте республиканың һаулыҡ һаҡлау министры урынбаҫары Татьяна Һәүбәнова Республикаға идара итеү үҙәгенән Башҡортостан юлдаш телеканалының «Сәләм» тапшырыуы тура эфирында.

Студия ҡунағы билдәләүенсә, 1-8 ғинуарҙа тыуған балалар араһында 10 игеҙәк бар.

«Белгестәребеҙ өсөн Яңы йыл төнө ғәҙәти режимда үтте. Йыл башында бик күп сабый донъяға ауаз һалды, бригадалар көсөргәнешле эшләне. Ата-әсәләрҙе һәм коллегаларыбыҙҙы һөйөндөрөр өсөн Яңы йыл төнөндә тыуған балаларҙы сағыу биҙәкле юрғандарға төрҙөк», — тине ул.

Былтыр тыуыу тураһында таныҡлыҡтың 76% тиерлек электрон төрҙө бирелгән, тип өҫтәне спикер.

https://www.bashinform.ru/news/social/2024-01-10/v-bashkirii-stalo-izvestno-chislo-detey-rozhdennyh-v-nachale-2024-goda-3597048