Республика Башлығы хөкүмәткә Бөрө ҡалаһы буйынса йөкләмә бирҙе

Башҡортостан Башлығы хөкүмәттең оператив кәңәшмәһендә Бөрө ҡалаһы буйынса бер нисә йөкләмә бирҙе. Тарихи биләмәләр программаһы буйынса ул Ағиҙел ярын һәм урамды төҙөкләндереү эштәрен тамамларға ҡушты.

Тағы бер йөкләмә тегеү фабрикаһына субсидиялар аша ярҙам итеүгә ҡағыла. Шулай уҡ республика етәксеһе муниципалитет башлыҡтарынан Бөрөнөң йәмәғәт башланғыстары буйынса тәжрибәһен ҡарауҙарын һораны.

Башҡортостан Башлығы Бөрөлә «Бөрө билмәндәре» гастрономия фестивалендә лә ҡатнашты һәм үҙенең тәьҫораттары менән уртаҡлашты.

— Бөрө ҡалаһында туристарҙы йәлеп итеү өсөн байтаҡ саралар үткәрелә. Унда «билмән кластеры» бар, мин үҙем бер нисә предприятиела булдым. Билмәндәре тәмле, афариндар, — тине республика Башлығы. — Бөрө туризм шулай уҡ урта һәм бәләкәй бизнестың яҡшы эшләү үҙәгенә әүерелә бара. Идара итеүсе командаға ошондай мөхит булдыра алғаны өсөн рәхмәт.

Бынан алдараҡ «Башинформ» Радий Хәбировтың 25-тән ашыу етештереүсе үҙенең продукцияһын тәҡдим иткән сарала ҡатнашыуын, билмәндәрҙе тәмләп ҡарауын, урындағы халыҡ менән аралашыуын хәбәр иткәйне.

https://www.bashinform.ru/news/social/2024-01-09/glava-bashkirii-porekomendoval-vsem-birskie-pelmeni-3595240