Ғәҙәттән тыш хәлдәр министрлығының Башҡортостан буйынса баш идаралығы һауа шарттарының насарайыуы хаҡында хәбәр итә.
Башгидромет фаразына ярашлы, 23 декабрҙә республикала боҙлауыҡ булыуы, айырым райондарҙа төндә һәм иртән 500 метрҙан күреү мөмкинлеге менән томан төшөүе көтөлә.
Шәмбе көн аяҙлы-болотло була. Төндә урыны менән бер аҙ ҡар, көндөҙ яуым-төшөмһөҙ. Төндә айырым райондарҙа боҙлауыҡ. Ел көньяҡтан, көньяҡ-көнсығыштан, тиҙлеге секундына 7-12 метр. Һауа температураһы төндә -3, -8°, аяҙытҡанда -13°, көндөҙ -2, -7°.