Рәсәй Президенты хәрби хеҙмәткә саҡырыуҙы ойоштороу буйынса йөкләмәләр бирҙе

Рәсәйҙә 2024 йылдың октябрь-декабрендә граждандар хәрби хеҙмәткә дәүләт мәғлүмәт системаһы аша саҡырыла башлай. Рәсәй президенты Владимир Путин илдең Оборона министрлығына тейешле йөкләмә бирҙе. Илдә дәүләт мәғлүмәт системаһы һәм повесткалар реестры индерелә, шулай уҡ оборона министрлығы бүлексәһе ойошторола, тиелә граждандарҙы хәрби хеҙмәткә саҡырыу мәсьәләләре буйынса йөкләмәләр исемлегендә.

Кремль сайтында хәбәр ителеүенсә, шуға бәйле дәүләт башлығы граждандарҙы хәрби иҫәпкә ҡуйырға (иҫәптән төшөрөргә), электрон повесткалар билдәләргә, повесткалар реестрындағы шәхси кабинетҡа автоматик рәүештә инеү мөмкинлеге бирергә ҡушты.

Бынан алдараҡ «Башинформ» агентлығы Башҡортостан егеттәрен Оборона министрлығының ғилми роталарына оҙатыу тураһында хәбәр иткәйне.

https://www.bashinform.ru/news/social/2023-12-21/prezident-rossii-dal-ryad-porucheniy-po-organizatsii-prizyva-na-voennuyu-sluzhbu-3576899