Ғәҙәттән тыш хәлдәр министрлығы епшек ҡар яуыуы һәм боҙлауыҡ, көслө ел хаҡында иҫкәртә

Башҡортостан буйынса Ғәҙәттән тыш хәлдәр министрлығы мәғлүмәттәре буйынса, 29 ноябрҙә хәүефле метеорологик күренештәр көтөлә: республиканың ҡайһы бер райондарында боҙлауыҡ, тимер сымдарға һәм ағастарға епшек ҡар һырыуы фаразлана, төндә елдең тиҙлеге урыны менән секундына 17 метрға тиклем.

Иртәгә көн болотло була. Төндә һәм көндөҙ бер аҙ епшек ҡар яуа. Айырым райондарҙа боҙлауыҡ, тимер сымдарҙа һәм ағастарҙа епшек ҡар, юлдарҙың айырым участкаларында ҡар һырынтылары. Ел көнбайыштан секундына 7-12 метр, урыны менән секундына 17 метрға тиклем. Һауа температураһы төндә һәм көндөҙ 0, -5°. Автомобиль юлдарында  1-2 саҡрымдан күреү мөмкинлеге кәмей.

https://www.bashinform.ru/news/social/2023-11-28/mchs-po-bashkirii-preduprezhdaet-o-mokrom-snege-gololede-i-silnom-vetre-3541822