Башҡортостан Башлығы «Әсәлек даны» миҙалы менән бүләкләү тураһында указға ҡул ҡуйҙы
Башҡортостан Башлығы Радий Хәбиров биш һәм унан күберәк бала тәрбиәләгән 48 ҡатын-ҡыҙҙы «Әсәлек даны» миҙалы менән бүләкләү тураһында указға ҡул ҡуйҙы. Тейешле документ республиканың рәсми хоҡуҡи мәғлүмәт интернет-порталында баҫылған.
Почетлы наградаға биш һәм унан да күберәк тәрбиәләгән әсәләр тәҡдим ителде. Улар араһында — Әлшәй, Асҡын, Ауырғазы, Баймаҡ, Бишбүләк, Бүздәк, Бөрйән, Ғафури, Дүртөйлө, Ейәнсура, Йылайыр, Иглин, Ишембай, Ҡариҙел, Ҡыйғы, Күгәрсен, Кушнаренко, Көйөргәҙе, Мәсетле, Мишкә, Миәкә, Тәтешле, Туймазы, Өфө, Учалы һәм Хәйбулла райондары, Күмертау, Стәрлетамаҡ, Салауат ҡалаларында йәшәүселәр.
«Башинформ» агентлығы хәбәр иткәнсә, миҙал 1998 йылда булдырылған. «Әсәлек даны» миҙалы менән бүләкләнгән күп балалы әсәләргә 50 мең һум аҡса тапшырыла. Бынан алда бер тапҡыр бирелә торған түләүҙең күләме 17 241 һум ине.
www.bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.