Епшек ҡар, боҙлауыҡ: Ғәҙәттән тыш хәлдәр министрлығы йәнә йонсоу һауа торошо хаҡында иҫкәртә

28 ноябрҙә Башҡортостанда боҙлауыҡ, тимер сымдарға һәм ағастарға епшек ҡар һырыуы, елдең тиҙлеге урыны менән секундына 17 метрға етеүе, юлдарҙың айырым участкалары тайғаҡ булыуы фаразлана.

Башҡортостан буйынса Ғәҙәттән тыш хәлдәр министрлығының матбуғат хеҙмәте хәбәр итеүенсә, алдағы тәүлектә аяҙлы-болотло һауа торошо көтөлә. Төндә яуым-төшөмһөҙ, көндөҙ епшек ҡар һәм ямғыр, ҡайһы бер райондарҙа боҙлауыҡ, тимер сымдарҙа һәм ағастарҙа епшек ҡар. Юлдар тайғаҡ.

Ел көньяҡтан, көньяҡ-көнсығыштан, секундына 7-12 метр тиҙлектә иҫә, төндә урыны менән секундына 17 метрға етеүе ихтимал. Һауа температураһы төндә 0, -5, көнсығышта -10, көндөҙ +3, -2.

Автомобиль юлдарында төндә һәм иртән томан төшә, күреү мөмкинлеге 500 метрҙан кәмей.

«Башинформ» хәбәр иткәнсә, Ғәҙәттән тыш хәлдәр министрлығы ла һауа шарттарының боҙолоуы хаҡында иҫкәрткәйне.

https://www.bashinform.ru/news/social/2023-11-27/mokryy-sneg-gololed-mchs-po-bashkirii-vnov-preduprezhdaet-o-nenastnoy-pogode-3539688