1 декабрҙән ҡала хакимиәте ҡарары буйынса Өфөлә балалар баҡсаһы өсөн түләү арта. Был хаҡта Орджоникидзе районы хакимиәтендә үткән мәктәпкәсә белем биреү буйынса брифингта гуманитар мәсьәләләр һәм мәғариф идаралығының баш белгесе Мәрйәм Корицкая хәбәр итте.
Түләү 19 һумға артып, көнөнә 170 һум тәшкил итәсәк. Шулай итеп, әгәр бала ай буйына (21 эш көнө) балалар баҡсаһына йөрөһә, 3570 һум түләргә кәрәк.
Түләүҙе арттырыу иҫәбенә мәктәпкәсә йәштәге балалар рационына йәшелсә салаттары, емеш-еләк, һуттар өҫтәргә вәғәҙә итәләр.