«Агата Кристи» төркөмө лидеры башҡорт халыҡ әкиәтен уҡыны
Бөгөн, 21 ноябрҙә, «Башинформ» мәғлүмәт агентлығы майҙансығында Зәйнәб Биишева исемендәге «Китап» нәшриәтенең «Башҡорт халыҡ әкиәттәре» тигән яңы аудиопроектының исем туйы үтте. Килгән ҡунаҡтарға тәүге тапҡыр билдәле замандаштарыбыҙ башҡарыуында башҡорт һәм рус телдәрендә «Моң сере», «Йомғаҡ» һәм «Әбйәлил» халыҡ әкиәттәренең аудиоверсиялары тәҡдим ителде.
«Моң сере» әкиәтен рус телендә йырсы, «Агата Кристи» төркөмө солисы Вадим Самойлов уҡыны. Ул «Китап» нәшриәте проектында ҡатнашыуын ҡыҙыҡлы ижади тәжрибә тип билдәләне.
Башҡорт телендә «Моң сере» әкиәте популяр музыкант һәм башҡарыусы, Башҡортостандың атҡаҙанған артисы Заһир Зәйнетдиндың тауышы менән яңғыраны. Мин үҙем күберәк аудиокитаптар тыңларға яратам, шуға күрә ошо проектта ҡатнашырға ризалаштым, ти йырсы. Йәш атай республикала бишек йырҙары, шиғырҙары, хикәйәләренең яҙмалары булһын ине, тигән теләген дә еткерҙе.
Тыңлаусыларға танылған алып барыусы, Башҡортостандың атҡаҙанған матбуғат һәм киң мәғлүмәт саралары хеҙмәткәре, Рәсәйҙең атҡаҙанған мәҙәниәт хеҙмәткәре Флүрә Мурзина, Башҡортостандың халыҡ артисы, ҡурайсы Рәсүл Ҡарабулатов башҡарыуында «Йомғаҡ» һәм «Әбйәлил» әкиәттәренең башҡорт телендәге аудиоверсиялары тәҡдим ителә.
«Әбйәлил» әкиәтен уҡыған Рәсүл Ҡарабулатов һүҙҙәренсә, балалар өсөн эшләү күңелле генә түгел, тулҡынландырғыс та: «Сөнки балалар — ихлас, саф күңелле тамашасы. Артисҡа улар менән бер тулҡында булырға, уларҙың ышанысын яуларға кәрәк».
Әйткәндәй, рус телендә уны билдәле яҡташыбыҙ, «Пицца» төркөмө солисы, Башҡортостандың атҡаҙанған артисы Сергей Приказчиков уҡый. «Йомғаҡ» әкиәтен русса һөйләүсене проект авторҙары әлегә сер итеп һаҡлай.
«Китап» нәшриәте директоры вазифаһын башҡарыусы Эльмира Хәйретдинова әйтеүенсә, тиҙҙән әкиәттәрҙе Зәйнәб Биишева исемендәге «Китап» нәшриәте сайтында һәм Яндекс.Музыка сервисында бушлай тыңларға мөмкин.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.