Өфөнөң 2-се Башҡорт лицейында стоматология кабинеты асылды
17 ноябрҙә Өфөнөң Ленин районында урынлашҡан 2-се Башҡорт лицейында уҡыусыларҙың теш ауырыуҙарын дауалау һәм иҫкәртеү өсөн стоматология кабинеты асылды. Был «Сәләмәт йылмайыу» модуле сиктәрендә «Юғарыға ос!» мәғариф проекты ярҙамында тормошҡа ашырылды.
Тантаналы сарала Өфөнөң мәғариф идаралығы етәксеһе урынбаҫары Солтан Баҙыҡов, Өфөнөң Ленин районы хакимиәте башлығы Олег Котов, 3-сө балалар стоматология поликлиникаһының баш табибы Римма Ғәниева ҡатнашты.
Яңы кабинет заманса ҡорамалдар һәм материалдар менән йыһазландырылған. Тимәк, уҡыусыларға сифатлы медицина ярҙамы күрһәтелә тигән һүҙ.
«Башинформ» яҙғанса, әлеге ваҡытта республика мәктәптәрендә 244 стоматология кабинеты эшләй, 100-ҙән ашыуы «Юғарыға ос!» мәғариф проектының «Сәләмәт йылмайыу» модуле сиктәрендә асылған.
Апрель айында «Юғарыға ос!» мәктәп форумының пленар ултырышында Башҡортостан Башлығы Радий Хәбиров балаларҙың һаулығы төп өҫтөнлөк икәнен билдәләне.
«Уҙған уҡыу йылында мәктәп стоматология кабинеттарында 100 меңдән ашыу уҡыусы һәм 4 меңгә яҡын уҡытыусы тикшереү үткән. 30 мең уҡыусы дауаланған. Беҙ иҫке стоматология кабинеттарын да ремонтларға йыйынабыҙ», — тине Радий Хәбиров.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.