Башҡортостан һәм Өфө яңылыҡтары
90.99
0
98.78
0
83.96
+0.69
12+ °C
Ясна
Бөтә яңылыҡтар
Йәмғиәт
16 Ноябрь 2023, 14:56

Республикала балалар баҡсаһы өсөн түләүҙе компенсациялау тәртибе үҙгәрҙе

Башҡортостанда балалар баҡсаһы өсөн түләүгә компенсация алыу тәртибенә үҙгәрештәр индерелде. Хөкүмәттең тейешле ҡарары республиканың рәсми хоҡуҡи мәғлүмәт интернет-порталында баҫылған.

Башҡортостан Мәғариф министрлығының матбуғат хеҙмәтендә белдереүҙәренсә, хәҙер ата-әсәләр түләүгә компенсация алыу өсөн ғаризаны өс ысул менән бирергә мөмкин:

 - мәктәпкәсә белем биреү ойошмаһына килеп ғариза яҙырға,

- электрон формала, «Дәүләт хеҙмәттәре» порталында ҡалдырырға,

- мәктәпкәсә белем биреү ойошмаһына почта менән ебәрергә.

Хәтерегеҙгә төшөрәбеҙ, республиканың мәктәпкәсә белем биреү ойошмаларына йөрөгән балаларҙың ата-әсәләре балалар баҡсаһы өсөн түләүгә компенсация алырға хоҡуҡлы. Беренсе балаға ул — 20%, икенсе балаға — 50%, өсөнсө һәм артабанғы балаларға 70% тәшкил итә. 2023 йылдың ғинуарынан ата-әсә түләүенең уртаса күләме 1937 һум 40 тин күләмендә билдәләнгән.

Компенсация нисек бирелә? Ай һайын ата-әсә түләүе күләме кәмей бара йәки аҡса шәхси иҫәпкә күсерелә. 

https://www.bashinform.ru/news/social/2023-11-16/v-bashkirii-izmenilsya-poryadok-predostavleniya-kompensatsii-platy-za-detsad-3523605

Автор:Әлфиә Әһлиуллина
Читайте нас: