Башҡортостан Башлығы журналистика өлкәһендә премиялар булдырыу тураһында указға ҡул ҡуйҙы

Башҡортостан Башлығы Радий Хәбиров журналистика өлкәһендә «Хәҡиҡәт. Яуаплылыҡ. Ҡаһарманлыҡ» премияларын булдырыу тураһында указға ҡул ҡуйҙы.

Документҡа ярашлы, премияға конкурс нигеҙендә киң мәғлүмәт сараларында баҫылған мәғлүмәт материалдарының штаттағы һәм штаттан тыш авторҙары, киң мәғлүмәт саралары редакциялары һәм ижади хеҙмәткәрҙәр дәғүә итергә мөмкин.

Журналистика өлкәһендә көнүҙәк йәки йәмәғәтселектә танылған контент өсөн йыл һайын һәр береһе 300 мең һумлыҡ 20 премия тапшырыу ҡарала.

«Башинформ» Башҡортостан хөкүмәтенең Шәһит Хоҙайбирҙин исемендәге премияның күләмен 100 меңдән 500 мең һумға тиклем арттырыуы тураһында ла яҙғайны.

https://www.bashinform.ru/news/social/2023-11-09/glava-bashkirii-podpisal-ukaz-ob-uchrezhdenii-premiy-v-oblasti-zhurnalistiki-3512575