Башҡортостан һәм Өфө яңылыҡтары
90.99
0
98.78
0
83.96
+0.69
12+ °C
Ясна
Бөтә яңылыҡтар
Йәмғиәт
7 Ноябрь 2023, 16:36

Башҡортостан Башлығы уҡыу алдынғыларын ғына «шайморатовсылар класына» алырға ҡушты

Олег Яровиков / «Башинформ» агентлығы архивы
Фото:Олег Яровиков / «Башинформ» агентлығы архивы

Бөгөн хөкүмәттең оператив кәңәшмәһендә мәғариф министры Илдар Мәүлитбирҙин республика мәктәптәрендә «шайморатовсылар кластарын» булдырыу эше хаҡында һөйләне. Мәҫәлән, өс йылда 186 класс асылған, уларҙа 3960 бала уҡый. «Шайморатовсылар» берҙәм формаһы һәм күкрәккә таға торған билдәһе менән айырылып тора. Стандарт мәктәп программаһынан тыш, уҡыусылар строй әҙерлеге нигеҙҙәрен, һыбай йөрөргә, уҡтан атырға өйрәнә, милли көрәш төрҙәрен үҙләштерә.

«Шайморатовсылар»ҙа беҙ илһөйәрҙәр, тыуған еребеҙҙең һәм Ватаныбыҙҙың тоғро ул-ҡыҙҙарын тәрбиәләйбеҙ. «Шайморатовсылар кластары» хәрәкәтенең төп идеяһы шунда», - тине Башҡортостандың мәғариф министры.

Докладты тыңлағас, Башҡортостан етәксеһе һандар артынан ҡыумаҫҡа, ә асылған кластарҙа балаларға сифатлы белем һәм тәрбиә биреүгә күберәк ваҡыт бүлергә саҡырҙы. Радий Хәбиров фекеренсә, «шайморатовсылар» сафына уҡыу алдынғыларын ғына алырға кәрәк.

«Иң мөһиме, кимәлде билдәләгәс, хәҙер ошо кимәлде төшөрмәгеҙ. Кластар һаны артынан ҡыумағыҙ, һеҙҙе бер кем дә мәжбүр итмәй бит. «Шайморатовсылар»ға алғас, бала яҡшы уҡырға, төрлө яҡлап әҙерлекле, шулай уҡ талаптар ҙа башҡаса булырға тейеш. Был бөтөнләй икенсе статус, улар - иң яҡшы уҡыусылар. Балаларҙы бындай кластарға конкурс нигеҙендә һайлап алыу зарур», - тип билдәләне Радий Хәбиров.

https://www.bashinform.ru/news/social/2023-11-07/glava-bashkirii-poruchil-prinimat-v-shaymuratovskie-klassy-tolko-otlichnikov-ucheby-3509690

Автор:Ләйсән Закирова
Читайте нас: