Яҡташыбыҙ Артур Ғәлиев яу яланында командирын ҡотҡарған һәм ҡаршы яҡтың мөһим документтарын ҡулға төшөргән

Башҡортостандан махсус хәрби операцияла ҡатнашыусы Артур Ғәлиев минометтан утҡа тотҡан ваҡытта яраланһа ла, командирын ҡотҡарған һәм ҡаршы яҡтың мөһим документтарын ҡулға төшөргән. Прапорщиктың хәрби бурысын үтәгәндә күрһәткән батырлығы хаҡында «Башҡортостан – геройҙар дәүере» рубрикаһында һөйләнеләр. Видеояҙма «Башҡорт батальоны» телеграм-каналына һалынған.

Билдәле булыуынса, снаряд ярсығы шлемды тишеп үтеп, битен йәрәхәтләгән. Артур Ғәлиев яу яланында ҡалған. Ул ике нацисты юҡ иткән, яраланған командирын ҡотҡарған, мөһим документтарҙы ҡулға төшөргән һәм яралыларға медицина ярҙамы күрһәткән. Ике аҙнанан һуң икенсе бер алышта Артур ҡаты яраланған. Ҡулына үҙе жгут һалып, медиктар янына шыуышып барып еткән.

Күрһәткән батырлығы һәм ҡаһарманлығы өсөн Артур Ғәлиев Суворов миҙалы, Батырлыҡ ордены, генерал Шайморатов ордены менән бүләкләнгән.

https://www.bashinform.ru/news/svo/2023-10-30/uchastnik-svo-iz-bashkirii-artur-galeev-spas-v-boyu-komandira-i-razdobyl-vazhnye-dokumenty-protivnika-3498959