Башҡортостанда епшек ҡар, боҙлауыҡ һәм көслө ел фаразлана

Башгидрометүҙәк мәғлүмәттәре буйынса, бөгөн, 26 октябрҙә, урыны менән бер аҙ ҡар яуа, юлдарҙың айырым участкаларында боҙлауыҡ. Ел төньяҡ-көнбайыштан, көнбайыштан талғын. Һауа температураһы көндөҙ 0, -5°.

Йома, 27 октябрҙә, урыны менән бер аҙ ҡар яуыуы көтөлә. Ел төньяҡ-көнбайыштан, көнсығыштан талғын, көндөҙ көсәйеүсән. Төндә -2, -7°, аяҙытҡанда -12°, көндөҙ -4, +1° була.

Шәмбе, 28 октябрҙә, бер аҙ епшек ҡар яуыуы, ҡайһы бер райондарҙа сымдарға һәм ағастарға епшек ҡар һырыуы, юлдарҙа боҙлауыҡ булыуы фаразлана. Ел көнсығыштан, көньяҡ-көнсығыштан талғын, урыны менән көсәйеүсән. Һауа температураһы төндә -2, -7°, аяҙытҡанда -12°, көндөҙ -2, +3°.

«Башинформ» хәбәр иткәнсә, Башҡортостанда ҡапыл һыуытты, был аҙнала республикала  норманан 2-3 градусҡа түбәнерәк булыуы көтөлә.

https://www.bashinform.ru/news/social/2023-10-26/v-bashkirii-prognoziruyutsya-mokryy-sneg-gololeditsa-i-silnyy-veter-3493523