Башҡортостандың Бөрйән районында – ысын ҡыш. «Башҡортостан» милли паркының телеграм-каналына Ырғыҙлы ауылы янында төшөрөлгән видеояҙма һалынған. Кадрҙа күренеүенсә, тирә-яҡ ап-аҡ ҡар менән ҡапланған, юл ситендә тәрән көрт.
«Башинформ» яҙғанса, иртәгә, 24 октябрҙә, республикала ямғыр һәм епшек ҡар яуыуы, урыны менән тимер сымдарға һәм ағастарға епшек ҡар һырыуы, юлдарҙың айырым участкаларында тайғаҡ булыуы көтөлә. Ел көньяҡ-көнбайыштан, көньяҡтан талғын, урыны менән көсәйеүсән. Төндә һауа температураһы -2, +3, көндөҙ +4, +9°.