Башҡортостан һәм Өфө яңылыҡтары
90.99
0
98.78
0
83.96
+0.69
12+ °C
Ясна
Бөтә яңылыҡтар
Йәмғиәт
17 Октябрь 2023, 13:35

Өфө мэры коммуналь хеҙмәт эшселәренең эш хаҡын индексацияларға ҡушты

«Башинформ» мәғлүмәт агентлығы архивы
Фото:«Башинформ» мәғлүмәт агентлығы архивы

Өфө хакимиәтендә уҙған оператив кәңәшмәлә Ратмир Мәүлиев ҡаланың коммуналь предприятиелары хеҙмәткәрҙәренең эш хаҡын арттырырға ҡушты. Баш ҡала мэры уңайлы эш шарттары, ял итеү һәм туҡланыу өсөн махсус урын булдырыу, шулай уҡ эш хаҡын арттырыу кәрәклеген билдәләне.

«Хеҙмәт хаҡын йыл һайын индексациялау мөһим. Беҙ был турала һөйләшеп алдыҡ, хәҙерге көндә механизатор-водителдәр араһында конкуренция бик юғары. Был барлыҡ ҡалаларҙың проблемаһы. Шуға күрә эш хаҡын арттырыу зарур», - тине Ратмир Мәүлиев.

Хакимиәттең коммуналь хужалыҡ һәм төҙөкләндереү идаралығы етәксеһе Рөстәм Хәмитов әйтеүенсә, әле ҡаланы таҙартыу һәм төҙөкләндереү буйынса ойошмаларҙа 798 водитель-механизатор, 907 эшсе эшләй. Ә 872 вакансия буш. Өфөгә 361 водитель-механизатор һәм 511 эшсе кәрәк. Штат 70% комплектланған.

https://www.bashinform.ru/news/social/2023-10-17/mer-ufy-poruchil-proindeksirovat-zarplaty-rabotnikam-kommunalnyh-sluzhb-3481403

Автор:Ләйсән Закирова
Читайте нас: