Башҡортостан һәм Өфө яңылыҡтары
90.99
0
98.78
0
83.96
+0.69
12+ °C
Ясна
Бөтә яңылыҡтар
Йәмғиәт
17 Октябрь 2023, 11:41

Башҡортостанда балалар баҡсалары педагогтарының республика форумы була

2023 йылдың 31 октябрендә Башҡортостанда мәктәпкәсә белем биреү ойошмалары педагогтарының республика форумы ойошторола, тип хәбәр иттеләр Мәғариф һәм фән министрлығының матбуғат хеҙмәтенән.

Форумдың төп темалары — мәктәпкәсә белем биреү өлкәһендә дәүләт сәйәсәтенең стратегик йүнәлештәре һәм мәктәпкәсә йәштәге балаларҙы тәрбиәләү өсөн берҙәм белем биреү киңлеген булдырыу.

«Форум эшендә мәктәпкәсә белем биреү өлкәһендә эшләгән 600-ҙән ашыу хеҙмәткәр ҡатнаша. Улар араһында — фән, мәғариф белгестәре, мәғариф идаралығының муниципаль органдары етәкселәре, шулай уҡ балалар баҡсалары мөдирҙәре, педагогтар һәм тәрбиәселәр», — тип өҫтәнеләр Башҡортостандың мәғариф һәм фән министрлығында.

«Башинформ» хәбәр иткәнсә, республикала балалар баҡсалары өсөн бала ҡараусы курстарына ҡабул итеү бара. Бала ҡараусы йәки тәрбиәсе ярҙамсыһы һөнәрен бушлай алырға мөмкин. Уҡытыу «Демография» милли проектының «Мәшғүллеккә булышлыҡ итеү» федераль проекты сиктәрендә алып барыла.

https://www.bashinform.ru/news/social/2023-10-17/v-bashkirii-sostoitsya-respublikanskiy-forum-pedagogov-detsadov-3481103

Автор:Галина Бахшиева
Читайте нас: