Башҡортостан һәм Өфө яңылыҡтары
91.87
-0.17
99.45
-0.47
82.29
+0.14
-10 °C
Болотло
Бөтә яңылыҡтар
Йәмғиәт
16 Октябрь 2023, 14:57

Республикала махсус хәрби операцияла ҡатнашыусыларға һәм уларҙың ғаилә ағзаларына ярҙам саралары арттырылды

Эдуард Ҡусҡарбәков
Фото:Эдуард Ҡусҡарбәков

Грант ярҙамы алған махсус хәрби операцияла ҡатнашыусылар эшмәкәрлектең планлы күрһәткестәренә өлгәшмәгән өсөн яуаплылыҡтан азат ителә. Был турала хөкүмәттең оператив кәңәшмәһендә республика вице-премьеры — финанс министры Лира Иғтисамова хәбәр итте. Башҡортостанда махсус хәрби операцияла ҡатнашыусыларға һәм уларҙың ғаилә ағзаларына ярҙам күрһәтеү эше дауам итә, тип билдәләне ул. Уның һүҙҙәренсә, республикала 37 ярҙам сараһы ҡаралған, быйыл исемлек тағы бер нисә сара менән тулыландырылған.

«Шулай уҡ махсус операцияла ҡатнашыусыларға һәм уларҙың ауыл ерендә йәшәгән ғаилә ағзаларына торлаҡ шарттарын яҡшыртыу өсөн социаль түләүҙәр планлаштырыла. Бынан тыш, хәрбиҙәрҙең балалары физкультура-спорт ойошмаларына тәү сиратта ҡабул ителергә тейеш, шулай уҡ балаларҙы йәшәгән урынға яҡын баҡсаға күсергәндә өҫтөнлөклө хоҡуҡ бирелә. Әлеге ваҡытта 351 баланы күсергәндәр. Шулай уҡ махсус операцияла ҡатнашыусылар, уларҙың ғаилә ағзалары мәҙәниәт учреждениеларына ташлама менән инергә мөмкин», — тине Лира Иғтисамова.

Рәсәй Геройы исеменә лайыҡ булған йәки Рәсәй Федерацияһы орден-миҙалдары менән бүләкләнгән яугирҙәргә бер тапҡыр бушлай ер участкалары биреү тураһында закон проекты әҙерләнгән.

https://www.bashinform.ru/news/svo/2023-10-16/v-bashkirii-dopolnili-mery-podderzhki-uchastnikov-svo-i-chlenov-ih-semey-3479753

Читайте нас в