Республикала билдәһеҙҙәр шәхси хәрби компанияға инергә саҡырып, ялған мәғлүмәт тарата

«Башинформ»ға билдәле булыуынса, мессенджерҙарҙа һәм социаль селтәрҙәрҙә махсус хәрби операцияла ҡатнашыу өсөн «Өфө» шәхси хәрби компанияһына инергә саҡырып, ялған мәғлүмәт таратыла. Бәйләнеш өсөн Өфөнөң Әй урамында урынлашҡан Рәсәй ирекле батальондарын ойоштороуҙың үҙәк штабы адресы күрһәтелгән.

Штабта билдәләүҙәренсә, уның шәхси хәрби компанияға һәм әлеге иғланға бер ниндәй ҙә ҡағылышы юҡ. Асылда штаб Башҡортостандың хәрби комиссариаты, Оборона министрлығының контракт хеҙмәте буйынса бүлеге, муниципалитеттар менән берлектә контракт хеҙмәтенә доброволецтар йыя.

Бынан алдраҡ «Башинформ» контракт хеҙмәте тураһында яҙғайны. 

https://www.bashinform.ru/news/social/2023-10-13/v-bashkirii-neizvestnye-rasprostranyayut-feykovuyu-informatsiyu-s-prizyvom-vstupat-v-neizvestnuyu-chvk-3477709