Хдр, Аннель һәм Альвиан: Башҡортостанда яңы тыуған сабыйҙарға ҡушылған үҙенсәлекле исемдәр билдәле булды

Йыл башынан Башҡортостанда яңы тыуған сабыйҙарҙың һирәк осраған исемдәре асыҡланды. «Реестр ЗАГС» сайтында хәбәр ителеүенсә, малайҙарға ҡушылған иң һирәк исемдәр — Хдр, Юсиф, Альвиан, Ронель, Раим.  Ҡыҙҙар араһында иһә Аннель, Йәмилә, Урсула, Ванесса, Адива.

Республикала Әминә (354 ҡыҙ), София (337), Эмилия (322), Арина (320), Ева (315) кеүек ҡатын-ҡыҙ исемдәре популяр. Малайҙарға йышыраҡ Әмир (431), Марк (324), Тимур (316), Мирон һәм Матвей (309) тип ҡушҡандар.

«Башинформ» хәбәр иткәнсә, октябрь башында республикабыҙҙа Наоми, Иман, Алика, Миша, Флүзә кеүек ҡатын-ҡыҙҙар исемдәре теркәлгән. Ир-егеттәр исемдәре араһында — Северин, Бакир, Валентин, Нэйтан, Мансаф.

https://www.bashinform.ru/news/social/2023-10-13/stali-izvestny-samye-populyarnye-i-redkie-imena-novorozhdennyh-detey-v-bashkirii-3476789